బృహస్పతి స్తోత్రమ్

శ్రీ గణేశాయ నమః

1::అస్య శ్రీబృహస్పతిస్తోత్రస్య గృత్సమద ఋషిః, అనుష్టుప్ ఛన్దః
బృహస్పతిర్దేవతా, బృహస్పతిప్రీత్యర్థం జపే వినియోగః

2::గురుర్బృహస్పతిర్జీవః సురాచార్యో విదాంవరః
వాగీశో ధిషణో దీర్ఘశ్మశ్రుః పీతామ్బరో యువా

3::సుధాదృష్టిర్గ్రహాధీశో గ్రహపీడాపహారకః
దయాకరః సౌమ్యమూర్తిః సురార్చ్యః కుఙ్మలద్యుతిః

4::లోకపూజ్యో లోకగురుర్నీతిజ్ఞో నీతికారకః
తారాపతిశ్చాఙ్గిరసో వేదవైద్యపితామహః

5::భక్‍త్యా బృహస్పతిం స్మృత్వా నామాన్యేతాని యః పఠేత్
అరోగీ బలవాన్ శ్రీమాన్ పుత్రవాన్ స భవేన్నరః

6::జీవేద్వర్షశతం మర్త్యో పాపం నశ్యతి నశ్యతి
యః పూజయేద్గురుదినే పీతగన్ధాక్షతామ్బరైః

7::పుష్పదీపోపహారైశ్చ పూజయిత్వా బృహస్పతిమ్
బ్రాహ్మణాన్భోజయిత్వా చ పీడాశాన్తిర్భవేద్గురోః

:::ఇతి శ్రీస్కన్దపురాణే బృహస్పతిస్తోత్రం సమ్పూర్ణమ్:::