ప్రదోషస్తోత్రాష్టకం
సత్యం బ్రవీమి పరలోకహితం బ్రవ్రీమి సారం బ్రవీమ్యుపనిషద్ధృదయం బ్రవీమి
సంసారముల్బణమసారమవాప్య జంతోః సారోజ్యమీశ్వరపదాంబురుహస్య సేవా
యే నార్చయంతి గిరిశం సమయే ప్రదోషే యే నార్చితం శివమపి ప్రణమంతి చాన్యే
ఏతత్కథాం శ్రుతిపుటైర్న పిబంతి మూఢాస్తే జన్మజన్మసు భవంతి నరా దరిద్రాః
యే వై ప్రదోషసమయే పరమేశ్వరస్య కుర్వంత్యనన్యమనసోంజ్ఘ్రిసరోజపూజామ్
నిత్యం ప్రవృద్ధధనధాన్యకళత్రపుత్రసౌభాగ్యసంపదధికాస్త ఇహైవ లోకే
కైలాసశైలభువనే త్రిజగజ్జనిత్రీం గౌరీం నివేశ్య కనకాంచితరత్నపీఠే
నృత్యం విధాతుమభివాంఛతి శూలపాణౌ దేవాః ప్రదోషసమయే ను భజంతి సర్వే
వాగ్దేవీ ధృతవల్లకీ శతమఖో వేణుం దధత్పద్మజః
తాలోన్నిద్రకరో రమా భగవతీ గేయప్రయోగాన్వితా
విష్ణుః సాంద్రమృదంగవాదనపటుర్దేవాః సమంతాత్ స్థితాః
సేవంతే తమను ప్రదోషసమయే దేవం మృడానీపతిమ్
గంధర్వయక్షపతగోరగసిద్ధసాధ్యవిద్యాధరామరవరాప్సరసాం గణాంశ్చ
యేజ్న్యే త్రిలోకనిలయా సహభూతవర్గాః ప్రాప్తే ప్రదోషసమయే హరపార్శ్వసంస్థాః
అతః ప్రదోషే శివ ఏక ఏవ పూజ్యోజ్థ నాన్యే హరిపద్మజాద్యాః
తస్మిన్మహేశే విధినేజ్యమానే సర్వే ప్రసీదంతి సురాధినాథాః
ఏష తే తనయః పూర్వజన్మని బ్రాహ్మణోత్తమః
ప్రతిగ్రహైర్వయో నిన్యే న దానాద్యైః సుకర్మభిః
అతో దారిద్ర్యమాపన్నః పుత్రస్తే ద్విజభామిని
తద్దోషపరిహారార్థం శరణాం యాతు శంకరమ్
No comments:
Post a Comment