:: శ్రీ అచ్యుతాష్టకము ::

1)అచ్యుతం కేశవం రామనారాయణం
కృష్ణదామోదరం వాసుదేవం హరిం
శ్రీధరం మాధవం గోపికావల్లభం
జానకీనాయకం రామచంద్రం భజే

2)అచ్యుతం కేశవం సత్యభామాధవం
మాధవం శ్రీధరం రాధికారాధితం
ఇందిరామందిరం చేతసా సుందరం
దేవకీనందనం నందజం సందధే

3)విష్ణవే జిష్ణవే శంఖినే చక్రిణే
రుక్మిణీరాగిణే జానకీజానయే
వల్లవీ వల్లభాయార్చితాయాత్మనే
కంసవిధ్వంసినే వంశినే తే నమః

4)కృష్ణ గోవింద హే రామనారాయణ
శ్రీపతే వాసుదేవాజిత శ్రీనిధే
అచ్యుతానంత హే మాధవాధోక్షజ
ద్వారకానాయక ద్రౌపదీరక్షక

5)రాక్షసక్షోభితః సీతయాశోభితో
దండకారణ్యభూపుణ్యతా కారణః
లక్ష్మనేనాన్వితో వానరైః సేవితో
గస్త్యసంపూజితో రాఘవః పాతు మాం

6)ధేనుకారిష్టకానిష్టకృద్ద్వేషిణాం
కేశిహా కంసహృద్వంశికావాదకః
పూతనాకోపకః సూరజాఖేలనో
బాలగోపాలకః పాతు మాం సర్వదా

7)విద్యుదుద్యోతవత్ ప్రస్ఫురద్వాససం
ప్రావృడంభోదవత్ ప్రోల్లసద్విగ్రహం
వన్యయా మాలయా శోభితోరస్థలం
లోహితాంఘ్రిద్వయం వారిజాక్షం భజే

8)కుంచితైః కుంతలైర్బ్రాజమానాననం
రత్నమౌలిం లసత్కుండలం గండయోః
హారకేయూరకం కంకణప్రోజ్జ్వలం
కింకిణీమంజులం శ్యామలం తం భజే

9)అచ్యుతస్యాష్టకం యః పఠేదిష్టదం
ప్రేమతః ప్రత్యహం పూరుషః సస్పృహం
వృత్తతః సుందరం కర్తృవిశ్వంభరం
తస్య వశ్యో హరిర్జాయతే సత్వరం

::: ఇతి శ్రీఅచ్యుతాష్టకం సంపూర్ణం :::>